E lē o mailoa i le taimi nei e i latou ua tofia e feagai ma le vaaia o le Air Vanuatu poo le ā tonu le umi e poloka ai pasese a le vaalele ma toe saili nisi faigamalaga e mafai ona faaauau ai femalagaa’iga talu ona tulai mai le faaletonu i le kamupani vaalele ua tapunia ai ma sailia se fesoasoani.

O lipoti mai le 9News ua ta’ua ai o loo galulue nei liquidators i le faia o siaki mo le saogalemu a o lei toe faaauauina auaunaga masani.

Ua faailoa foi e tatau ona faamalolo uma vaa ina ia faamautinoa o loo ogatasi ma tulafono faavaomalo ma o le a fesootai foi i pasese uma ua aafia ina ia toe fai fetuunaiga i se taimi vave.

O le kamupani vaalele a le Air Vanuatu e tāua tele i tagata o le Republic of Vanuatu ma e tāua tele foi i le atunuu i tulaga faapisinisi.

Fai mai e lē o toe mamao faataunuu le uluai fonotaga a creditors o le kamupani mo le sailia o se fofo i le faafitauli.

Puna o Faamatalaga: https://www.9news.com.au/national/air-vanuatu-enters-liquidation-ernst-and-young-appointed/a501053b-8500-41d0-91ab-68a297e6a44c