E 35 sui faau’u mo le vaega ‘au a le atunuu – le NZ Army, ua iu ma le manuia taumafaiga i a’oa’oga mo lenei tausaga 2025.
Sa molimauina le auai atu ai o le Kovana Sili, Dame Cindy Kiro mo lea faatasiga tāua ma avea ai o ia ma ofisa iloilo, poo le Reviewing oficer, i le aloaia ai o i latou nei e avea ma sui o le vaega’au a Niu Sila.
Mai lea numera e to’a tolusefulu ma le lima, o loo aofia ai le to’a sefulu (10) o sui faavaomalo poo- international students.
E 11 masina na faatautaia ai a’oa’oga e tusa ai ma aiaiga i le avea ai ma sui o le vaega’au a le atunuu.
Na molimauina le faatasiga tāua e aiga, uo ma ē masani, ma i le saunoaga autū a le tama’ita’i Kovana Sili na ia patipatia ai taumafaiga a nei alo ma fanau ua sii a’ao e tautua le atunuu e ala i lea auaunaga.
Na faatino le faauuga i Waiouru.
Puna o Faamatalaga: https://www.facebook.com/share/p/1BAas54LMu/
