O le tulafono o le tausaga e 1959 i taimi o pulega faakolone a Niu Sila i Samoa na faatūina ai le Matāgaluega o Faato’aga, Vaomatua ma Faigāfaiva.
Peita’i o le vaitau o le tausaga e 2000 na vavae ese ai le vaega o vaomatua ma tuuina atu i le vaaiga a le Matāgaluega o Puna’oa Faalenatura ma Si’osi’omaga, ona faaauau ai lea o le Matāgaluega o Faato’aga ma Faigāfaiva.
Ua oo mai i lenei tausaga e 2026 ua iai suiga i fuafuaga a le malo ma o le a faatūina le Matāgaluega o Faigāfaiva ma Gataifale.
Ua faailoa lea faai’uga a le Kapeneta e le ta’ita’i o le malo le afioga i le Palemia, susuga Laaulialemalietoa Leuatea Polataivao Fosi, i le faamoemoe o se avanoa o le a tatala ai faitoto’a mo nisi taumafaiga o le atina’e o faigāfaiva ma lautele ai faigā faapisinisi i le lotoifale o lea ālamanuia auā o tatou tagata.
