Ua toe alia’e foi nisi lipoti e faatatau i le tele o faaletonu ua lipotia mai i totonu o le aai tele o Aukilani ma o loo aafia ai nai pisinisi ma tagata faatau.
Fai mai le Newshub o le ausolitulafono i Aukilani ua o latou faalavelave i le aufaigaluega, gaoi nisi o meatotino ma faafefe solo ai nai tagata faatau.
Na faamatala e se isi faipisinisi ua faasavavali faatasi lana aufaigaluega i se kulupu e agai ai i le kapaka ona o popolega i le saogalemu ae ua valaau foi isi faipisinisi ia faatoateleina le aofai o leoleo i Aukilani ma fai petolō a leoleo.
O nisi molimau ua ta’ua ai ua iai le aufaigaluega ua tase’i a latou ato ae o le a oo ia latou avetaavale, o isi pisinisi ua ta’ei faamalama ma faitotoa ae gaoi oloa ma e manatu le toatele ua oo lava i le tulaga ua lē mafai ona taofia le tulai mai o ia ituaiga faaletonu.
Fai mai o loo faatalitali le toatele o le aufaipisinisi i Aukilani i se tala mai i le tala faatatau o le tupe a le malo i le vaiaso nei pe ono maua ai se isi tali i le faafitauli ua faifaitetele.
Puna o Faamatalaga: https://www.1news.co.nz/2024/05/28/all-staff-at-be-a-tidy-kiwi-charity-resign-over-govt-bullying
