O le aso Lulu asau le aso 10 o Tesema o le a aumai ai le faaiuga a le faamasinoga faaitumalo i le talosaga a sui faasalalau o le polokalame o le Maota o Vi’iga, pe mafai ona o la tu’ua Samoa mo Ausetalia o loo faamautū ai.
O le Aso Faraile na te’a nei na su’esu’e ai lea talosaga i luma o le faamasinoga, ae sa lē faatagaina ai le atunuu lautele ma tusitala.
O le mafua’aga ona e iai mau o ni ata video sa fa’aali o ni vaega o mau sa tuuina atu i le su’esu’ega, ma o ia molimau e toe fa’ailoa i le taimi o sue’su’ega o moliaga o sui faasalalau o lea polokalame, le afioga Toelafoa Sa’ia Toleafoa ma Ainu’ū Iliganoa Savaiinaea.
O Iulai o le tausaga fou ua faatulaga e valaau ai molimau a leoleo. O loo molia sui faasalalau mai Ausetalia i le faia o faamatalaga tau faaleaga.
O le fia faia o siaki faafoma’i le mafua’aga o le talosaga o’i la’ua ua molia e fia tuua taualumaga o le la faamasinoga ae malaga i Ausetalia.
