Ua faatalia nei e le Palemia ma le Kapeneta se fautuaga faaletulafono mai le Loia Sili e tusa o faai’uga na faia e le malo tausi poo le caretaker government i le pulegamalo a le afioga Fiame Naomi Mataafa, ona maua lea o se tali o le fesili na tuuina atu i le Palemia, pe o le a toe soloia ia tofiga.
Na fesiligia le Palemia susuga Laaulialemalietoa Leuatea Polataivao Fosi ona ua soloia faai’uga a le malo tausi na tofia ai nisi o sui o Komiti Faatonu o nisi o faalapotopotoga tuma’oti a le malo ona ua solia ai aiaiga o malosi’aga faaletulafono e umia e se malo tausi, pe a faata’ape le Palemene e sauni ai le isi faigāpalota tele a le atunuu.
Le afioga i le Palemia susuga Laaulialemalietoa Leuatea Polataivao Fosi.
E tolu faauluuluga o nisi o auaunaga a le malo sa faamaonia i le taimi o le Kapeneta o le malo tausi, o le Pulega o Tagata Tafafao Mai Fafo, faauluuluga o le Ofisa o Numela Faamaumauina a le malo, ma le Ofisa Sili o le Matāgaluega o le Va i Fafo ma Fefaataua’iga.
