O le Aso Tofi o le vaiaso nei na mae’a ai taualumaga o le faamasinoga a leoleo le police tribunal, sa suesue ai moliaga o le taitai leoleo asiasi le Tofa Lio Faataumalama Auava ma le tamaitai leoleo taai lua o Henifa Bryce.
O le Aso Gafua na amata ai lea faamasinoga tau i mataupu faalotoifale e tuua’ia ai Malu o le Malo, ma ua tālia nei se faaiuga.
E lei faatagaina ona lipotia taualumaga o lea faamasinoga a leoleo, ae o le a taumafai e saili se auala e maua ai le faaiuga pe a oo ina fofogaina auā le nofo silafia o le atunuu.
E ese mai moliaga i le faamasinoga a leoleo, o le masina fou e valaau ai moliaga solitulafono o le taitai leoleo asiasi i le faamasinoga faaitumalo, lea o loo molia ai foi ma le Faipule o Salega Tasi.
