O loo faasolo nei le polokalame ua faapipii ai microchip i solofanua o loo fai ma fagafao a aiga, ma o se faiga ua faia i le uma ai o le afā o Gabrielle i le amataga o le tausaga talu ai lea na leiloloa ai le tele o solofanua a aiga.
O le uma ai o le afā na faia ai loa e le Companion Animals i Niu Sila le faiga fou ua faapipii ai microchip i solofanua ma o lea na amata i Hawke’s Bay ma Wairarapa.
E silia ma le 200 solofanua na lesitala ma faapipii ai microchip nei, ma o Taupo lea o loo sosoo nei.
I se molimau a le sui o le pulega o loo tuufaatasia lenei polokalame fou, o solofanua e pipii ai le microchip e telē le avanoa e toe maua ai ma e lē gata o se tala fiafia i aiga ae o le manuia foi o le meaola.
O loo iai le naunautaiga ia mafai ona uma ane polokalame o lenei tausaga ua lesitala le 400 i le 500 solofanua, ma a uma Taupo ona faasolo mai lea i Aukilani, Ueligitone faapea ma Kalaiesetete.
Puna o Faamatalaga: Horse microchip programme under way after Cyclone Gabrielle losses – NZ Herald
