O itumalo o Vaa o Fonoti, Safata 2, Salega 2, Sagaga 2 ma Lefaga ma Faleaseela, ua mae’a pasia e lē gata o le tala o le tupe ae o le faaaogāina o a latou miliona muamua ma agavaa ai i la latou miliona lona lua.

O ananafi na faatino ai le sainigalima mo le faamatuu atu iai o le vaega muamua o le miliona lona lua.

E tai $160,000, a le itumalo e faatino ai totogi o tagata faigaluega i latou ofisa ma tagata o komiti faafoe a Fono Faavae a itumalo ia e lima.

Ua maitauina le tele o vaega tupe o miliona a itumalo, ua faaalu i pili o fanau o loo aoaoina i Iunivesite i totonu o le atunuu.

O loo maitauina le manaomia pea ona faalauaitele le silafia i le faaaogāina o le miliona, ma auala e saofaga ai i le fesoasoani atinae a le malo.

O le miliona lona lua a itumalo o ta’ua i luga, lea na sainia e a latou taitaifono, o le faipule ma sui o Fono Faavae.

Na faafetaia ai e le Minisita o le Poloketi o Atinae $1 miliona a le malo, Afioga Mulipola Anarosa Ale Molioo itumalo i le lava papale, a o faagasolo ai galuega o aiaiga faavae o le faamatuuina atu o a latou tai miliona lona lua.