E to’a 12 sui o le ‘au a le All Blacks mo le Rugby Championships ua faamatuu atu e taaalo ia latou iuni faaitumaalo i le faai’uga o le vaiaso i le taamilosaga ono o le NPC o loo faaauau.
O George Bell ma Ethan de Groot o le a taaalo mo Canterbury ma Southland i taaloga i le aso a taeao, o isi alii taaalo o Samipeni Finau ma Luke Jacobson o le a taaalo mo Waikato i Hamilton.
O Pasilio Tosi ma Josh Lord o le a taaalo mo le Bay of Plenty ma Taranaki.
O isi tama taaalo e to’aono o le a vaaia i taaloga o le Aso Sa o lumanai nei e aofia ai George Bower mo Otago, Harry Plummer ma Patrick Tuipulotu mo Auikilani, atoa ai ma David Havili mo Tasman ma Billy Proctor ma Reuben Love e taaalo mo Ueligitone.
Puna o Faamatalaga: https://www.nzherald.co.nz/sport/rugby/npc/all-blacks-released-to-play-in-npc/422HW62MZBHVHBUKAIYA4LWTRM/
