O lea ua lipotia i le FoxSports ua faamaonia e le West Tigers le faamatuu atu o le uigi sa iai a le ‘au, David Nofoaluma, ma ua ta’ua ai ma le taliaina e le alii taalo o le vaegatupe e 300 afe e faamae’a ai lana konekarate i le kalapu.

O le asō ua feta’ua’ina i lipoti sa tatau ona fesagai ai ma le pulega fou a le kalapu ae o anapo na faamatuu ane ai se faamatalaga mai le kalapu ua malilie itu uma e lua e faamuta le konekarate i maliega ua mae’a malilie iai.

Na faailoa e le Ofisa Sili o loo iai nei o le Tigers, Shane Richardson i lea lipoti e faafetaia le alii taalo mo lona sao i le kalapu ma faamanuia foi mo lona lumanai.

E lē o ta’ua i le lipoti se faamatalaga mai ia Nofoaluma a o tau sailia ai foi se avanoa o talafou mo se finagalo faaalia o lea alo o Samoa i lenei mataupu.