Mo le faamanatuina o le faatautoga poo le sauniga aloaia mo le Tupu o Peretania, King Charles, ua totōina ai e le Palemia o Niu Sila, Chris Hipkins se laau i le asō i laufanua o le Palemene e faamanatu ai lea sauniga tāua.
O le sauniga na totō ai le laau sa faia i le taeao ma o le amataga foi lea o se campaign ua fuafua o le a totōina ai laau e 100 afe i totonu o Niu Sila ma ua foaiina ai foi e le malo le miliona e faatupe ai lea fuafuaga.
Ta’ua e le Palemia sa fesootai lona ofisa i Peretania mo se auala lelei e faamanatu ai lea faamoemoe tāua o Peretania aemaise o le Tupu o Salesa e fiafia foi i le siosiomaga ma faigatogalaau.
O Niu Sila sa avea muamua ma kolone a Peretania ma i lalo o ana faiga faavae o loo tumau ai pea ona avea Salesa ma faaulu o Niu Sila.
Na auai atu foi le taitai o le itu agai Christopher Luxon ma isi taitai i le totōga laau.
