O le iai o Samoa i lenei taimi o le tausaga fou i fautuaga ma lapata’iga o uiga faaletonu o le tau ua talafeagai ma le faailoa ai e le malo o se tapenaga e toe faamalosia ai faiga faavae o tapenaga mo galuega lavea’i i taimi o faalavelave faafuase’i e māfua mai i mala faalenatura e pei o afā fulifaō, tāfega malolosi ma lōlōga, aemaise o mafui’e ma galulolo.
Ua faailoa e le ta’ita’i o le malo i le Palemia se tapenaga i le faamalosia o ia faiga faavae i le silasila mamao ia lelei le puipuiga o le atunuu atoa pe a oo ina tula’i mai ni mala faalenatura.
O sailini e logo ai tagata o nuu ma afio’aga i se mala faalenatula e pei o galulolo ua iai le fuafuaga e tapena ni sailini e faasopolia ai itumalo uma e 51, e faapena foi tapenaga i nofoaga e sulufa’i ma faamautū iai pe a tutupu ni mala faalenatura ua āfaina ai le soifuaga masani poo evacuation centers.
