Ua faailoa mai e Korea i Saute o le taimi nei e tusa ua 12 vaaleletau a Korea i Matu ua faalele ane e lata i o latou tuaoi ma ua tali atu nei iai Korea i Saute e ala i le faalele atu o ana vaalele militeli e 30.
O le fanaina mai o isi auupega o missiles i le Aso Lulu e Korea i Matu sa mataitu foi e Korea i Saute ma Iapani ae o le aso la ananafi ua vaaia ai foi isi tulaga mai le itu i Matu.
E manatu le au popoto i le mataituina o tulaga nei, o loo manao Kim Jong Un o Korea i Matu e faaauau pea ana faataitaiga.
Fai mai a latou o le faamoemoe o loo iai o Jong Un iina ia amanaia latou o se setete tau niukilia ma ia aveesea faasāsāga o loo ua tuuina i luga o latou mai le malo tele o Amerika.
