Ua faailoa e le malo lana faalauiloa o loo faia ina ia tosina mai ai tagata Ausetalia e asiasi mai i Niu Sila.
O loo faatāua e le Palemia, Christopher Luxon le turisi ma lona maketi, auā o le mea moni e aogā mo le tamaoaiga o Niu Sila.
Na ta’ua ai foi e le Palemia o lea lava e le’i iloga ona toe faafoi i le mea sa iai le maketi o turisi a o le’i sau le Koviti, ma o loo talanoa le Palemia e lē gata i vaalele ae o faletalimalo.
O lenei faalauiloa ua faaigoaina o le Everyone Must Go e tusa ma le $500,000 e faatupe ai, ma i le vaai mamao, e uma Ausetalia ae faasolosolo atu i isi atunuu.
O masina o Mati ma Aperila lea e fuafua e faia ai lea faalauiloa, ma o loo talileleia e le Hospitality NZ lenei fuafuaga.
Puna o Faamatalaga: ‘Everyone must go’: Aussies targeted in new Govt tourism campaign
