Ua faailoa mai suafa o i la’ua o le alii pailate ma le isi sa la to’alua ua maliliu mai le faalavelave na pa’ū ai se helikopa e latalata i le Paekākāriki Hill i le vaiaso talu ai.
O Cole Christopher Ritchie e 25 tausaga o le soifua mai Wharepapa South, ma Joseph Mark Keeley e 54 tausaga o le soifua mai Tauhara.
O lenei faalavelave na tula’i mai i taimi o le loulouā o le tau ma timuga a o galulue i la’ua o ni pest control contractors sa galulue i luga o le Transmission Gully.
Ta’ua e le Kapiti Mana Commander Inspector, o Renee Perkins, o loo galulue faatasi le Civil Aviation Authority ma le Victim Support e fesoasoani atu i aiga ua afaina ma mafatia mai lenei faalavelave faafuase’i.
Puna o Faamatalaga: https://www.rnz.co.nz/news/national/585727/pilot-passenger-killed-in-paekakariki-hill-helicopter-crash-named
