Ua lipotia i le asō le faailoa atu foi o nisi o faamatalaga patino i tagata o loo iai faamaumauga i le Service NSW i se mataupu ua solia ai foi tulaga faalilolilo i ia auaunaga.
O se faaaliga lata mai mai le ofisa lea i se taimi e lei mamao atu, i le aso 20 o Mati na iloa ai ma ia faamamauga o le data breach e pei ona lipotia i le 7News.
O faamaumauga la sa ono aafia ai i lea faaletonu e aofia ai laisene avetaavale ma numera o laisene o taavale, faamaumauga mo fesootaiga ma igoa o fanau a tagata lesitala.
Fai mai le Service NSW o se faaletonu e aafia ai na o tagata sa login i le taimi lea ia latou accounts ma e itiiti se aafiaga tele mai lea ituaiga faaletonu ma ua mae’a foia le faafitauli.
