Ua faailoa e leoleo le igoa o si teine talavou na maliu ina ua taavalevale le taavale i le matafaga i Muriwai i le Aso Sa na tea nei.
O Madison Marie Chamberlain e 19 tausaga le matua mai West Auckland.
Faamatala e le RNZ e toalua alii talavou na manunu’a ai i lea faalavelave ma taofia ai i le falemai.
O le faalavelave lea ua valaau ai nisi ua tatau lava ona faasā taavale mai le matafaga.
O le piliota mai le aso 29 o Tesema 2023 seia oo mai i le 15 o le masina lenei na tapunia ai e le Council le toe oo ane o taavale i le matafaga ma ta’ua ai o loo galulue i le faamautuina o pemita mo le agai ane o taavale i le nofoaga ma ia faatāuaina lea tulaga.
