Ua faailoa e le faigamalo a Niu Sila ua faalauiloaina nei se faiga fou e faaaogā ai telefoni ma le faamoemoe e mafai ona saunia ai ni avanoa faigaluega mo le silia ma le 4 afe o le au saili galuega (job seekers).
O lenei faiga fou e pei ona lipotia i le RNZ o le a taulai lava i le au saili galuega ua sauni e faigaluega, i latou e 18-24 tausaga le matutua ma o le a tuuina foi se case manager e fesoasoani ia i latou i le sailiga o galuega.
Saunoa le minisita o le Social Development and Employment, Louise Upston, o le auaunaga ua fuafua e faatele ai avanoa e fesootai ai le au saili galuega ma le matagaluega ma o loo taulai lava i le au talavou auā e tāua le fesoasoani e toe maua galuega a i latou ia auā le vaai mamao i lo latou lumanai.
Fai mai le minisita e tāua le tali atu i le tulaga o iai le tau o le tamaoaiga e ala i le fesootai sa’o ma le au saili galuega ma o loo faamoemoe le Malo ia faaititia le numera o i latou o loo maua le lagolago mo le sailia o galuega, job seeker support, i le 50 afe i totonu o le 6 tausaga.
Puna o Faamatalaga: https://www.rnz.co.nz/news/national/522159/4000-more-job-seekers-get-support-in-new-government-initiative
