E uigaese foi se osofa’iga a le augaoi ua lipotia mai Adelaide i se tasi o supamaketi a le IGA fai mai na osofa’ia e ni alii se to’alua faaa’upegaina i se fana, gaoia ai le faitau afe o tupe ma matua’i faapopoleina ai si faatauoloa.
Fai mai o le vaveao ananafi na tupu ai le faalavelave i le IGA i Trott Park, na tatala ai e le faatauoloa le faitoto’a i se alii na aga’i ane ma le manatu o se tagata faatau peitai e folo mai ai i tua le isi alii ma le fana ma faatonu ai le faatauoloa e aga’i i le ofisa o le faleoloa ma aveese mai ai se tupe pe ā ma le 7 afe atoa ma sikaleti.
Fai mai le pule o le faleoloa o loo iai lana inisiua ae lē o le tulaga lea e popole iai ae o le silasila a le komiuniti ma le saogalemu foi.
Faato’ā amata i le faai’uga o le vaiaso ona tatala le faleoloa lea i le 24 itula a o lea ua osofa’i, fai mai le pule e lē taumate e iloa lelei e le augaoi le faatulagana o le faleoloa ma ua vaavaai i le faafaigaluegaina o se sekulati.
O loo faaauau le su’esu’ega a leoleo.
Puna o Faamatalaga: https://www.9news.com.au/national/iga-adelaide-armed-robbery/b29c4476-5021-4988-8d8e-94e93c7633b6
