O aai tetele uma ile lalolagi e iai suiga tetele e aofia ai mae faapea foi mo Aukilani e pei ona iai nei nisi o suiga tetele o loo faagasolo.

Afai e te galue pe aumau foi latalata I le ogatotonu o le aai ona e silafia lea o le tele o le mau galuega o loo faatino ai ma nisi o nofoaga fou ua amata tatalaina.

Ole vaega muamua lea ose polokalame e faitau miliona o loo faatupeina ai ina ia liua ai le aai e avea ma se tasi o aai tele I le lalolagi e fiafia tagata eagai mai iai e aumau pe galulue ai foi ma tafafao.

E silia ma le 5 piliona o loo ua faaagaga mo le faamoemoe lea atoa ai ma le faamamafa o loo ave I le faalelelia o auala ma nofoaga I le aai ma faamoemoe e faatupulaia ai le tupe maua ile aai. Ile 2018 ile aai o Aukilani na maua ai le tinoitupe pe a male 17.5 piliona mai fuafuaga sa faatino. Faailoa e le sui o le Pulega a Aukilani pei ona faamaonia ele stuff, e moni o le koviti o se faamatau lea o loo feagai ma le lalolagi I le taimi nei ae le faapea o le a faavavau pea ona iai ma ua iai foi tui puipui ua lata ona faaaogaina ma afai ae faaauau pea le tulaga lelei o NiuSila I le malupuipuia mai le faamai, o lona uiga o le a toatele tagata e fia malaga mai I le atunuu mae ole ala lea e taua ai le faaauau pea o galuega faaleleia mo le aai.