E ui i se faatino ai o galuega a leoleo i le tau sa’ilia ai o le talavou o Te Anihana ae ua faaalia le lē fiafia ma vaaia le upuia e le aiga faavauvau o lea tama’ita’i, o le auaunaga talu ai le tuuina mai faalaua’itele o faasalalauga i le maua ai o le tino maliu o le latou tagata ae le’i faapea ua mautinoa o Te Anihana lea ua maua, e le’i faapea foi ua logoina atu le aiga.
O le po o le Aso Gafua na tuuina mai ai se faasalalauga a leoleo, i le maua ai o se tino maliu e masalomia o le tama’ita’i o Te Anihana, na maua i le Aso Toona’i o le vaiaso talu ai i se togavao i Pukekohe.
Faaalia e le aiga e ala i se faasalalauga i luga o upega tafa’ilagi le vavevave tele o le auaunaga e faasalalau atu tala e tusa ai ma lo latou tagata, ua vaaia ma molimauina ai le telē o le aafiaga i aiga ma ē pele ia Te Anihana.
Ta’ua i lipoti mai le leitio faavaomalo o Niu Sila o loo tālia ai o ni faamatalaga mai leoleo e tusa ai foi ma lea matāupu.
Puna o Faamatalaga: https://www.rnz.co.nz/news/national/579875/family-of-te-anihana-pomana-criticise-police-over-media-release-on-body-before-formal-identification
