E toaitiiti se vaega o le aufaigaluega i le falemai i Middlemore e talitonu o loo mafai e le Emergency Department poo le ED ona faia le galuega.

I le suesuega na fesiligia ai le aufaigaluega a le soifua maloloina i totonu o le atunuu ia Tesema na maua mai ai faaiuga nei ae faatoa faailoa i le masina talu ai.

Na auai ai le silia ma le 1,900 o le aufaigaluega a le Counties Manukau, ma e na o le 19% o i latou na faapea mai o loo lava le aufaigaluega, o le paketi, meafaigaluega faapea potu o le falemai o loo moomia mo galuega i le Emergency Department.

I lipoti a le 1News, o le toatele o le aufaigaluega o loo molimau i le utiuti tele o le aufaigaluega ma e leai se sifi i le ED o toe atoa.

O nisi ua toe molimau ua oo lava i aso malolo ua ta’ua o day off, e toe valaau atu lava mo sifi faaopoopo.

Ae na ta’ua e lē na tusia lenei lipoti, ua o ni faaiuga ua faamatalatala mai ai e lē o lelei le system ma o se popolega tele lea.