Ua faamauina le tele o meaalofa ma fesoasoani faapei o diapers, wipes, o vai ma fualaau‘aina na faasafua atu e le vaega o le Faith Angels Foundation mo nisi o fanauiti o loo faataotolia i le maota gasegase i Motootua i le Aso Toonai na se’i mavae atu nei.
Ua faaalia le faagaeetia o sui na auai atu mo lea faamoemoe.
Sa auai atu ai sui o lenei faalapotopotoga ma le susuga i le Misionare ia Jim Wiese ma lona faletua ia Windy Wiese o le Church of God World Missions ma sister Kolisi ma brothers Joshua and Petross sa ofo fua o latou taimi e faatino le faamoemoe.
E oo atu i le 25 fanau na taofia i le falema’i na mafai ona faamanuiaina e ala atu i le faamoemoe a le Faith Angels Foundation.
