Ua faamaonia mai e leoleo i le Dominican Republic le maua ai o tino maliliu a itiiti mai pe 4 o ni tama’ita’i i le tuaoi o le atunuu ma Haiti ma o loo faatino nei iai su’esu’ega.
Ta’ua e le sooupu a leoleo mai lea atunuu o Diego Pesqueira, o i latou ua maliliu e mai Haiti ma e na o le tasi o tino maliliu ia e fā na maua o loo su’esu’eina e latou ona na o le pau lea o le tino maliu na maua i le latou pito o le tuaoi lea, o le isi tolu na maua i le pito a Haiti.
E talitonu leoleo a le Dominican Republic e foliga na fasiotia i latou ia ma lafoa’i i le vai lea e tafefea atu ai aga’i i le tuaoi.
E to’atasi se alii na pu’eina e leoleo ma ua tuuina atu i leoleo a Haiti mo su’esu’ega.
E lē o iai se faamatalaga mai leoleo a Haiti i le lipoti e pei ona faailoa ae ua lipotia foi o vesiga i le va o kegi i Haiti e taatele lava.
Puna o Faamatalaga: https://www.9news.com.au/world/dominican-police-say-bodies-of-4-decapitated-women-found-near-border-with-haiti/4e9c05f5-d692-4661-8f8f-974f12eb7c4d
