A o siisii pea lagona le nofo lelei i le va o Amerika ma Cuba talu mai le Cuban Missile Crisis ua faailoa i lipoti aupito lata mai e le’i lelei foi lagona na iai i se fonotaga na faia i le ofisa o Amerika i Havana Cuba.
Ua lipotia e le CNN ua saunoa le sui o Amerika o Mike Hammer i se tasi sa iai i lea fonotaga afai e le’i teuina ana ato ua tatau nei loa ona teu.
Ta’ua i le lipoti faamatalaga a Hammer e faapea ua leva ona faitio Cuba i nisi o sā sa faia iai e Amerika i matāupu tau le tamaoaiga.
Ua faailoa foi e Hammer o le a lē toe iai se suāuu e alu atu i totonu o le atunuu.
Talosagaina e le CNN se faamaninoga o le saunoaga lea a Hammer mai le ofisa o Amerika peita’i na faailoa ane e lē faia ni a latou faamatalaga i matāupu o fonotaga faalotoifale.
E ui la e lē o iai ni faailo o le aveesea mai o ni sui o Amerika mai Havana peita’i o loo iai lava lapata’iga aemaise ina ua mae’a le osofa’iga na faia a Amerika i Caracas lea na pu’eina ai le Peresetene o Venezuela o Nicolas Maduro ma fasiotia ai le silia ma le 100 o tagata Venezuela ma Cuba.
O le popolega o le to’Ptele i Cuba ona a fai e lē toe iai se suāuu e aveina atu i Cuba o lona uiga o le a faaletonu foi ma le tamaoaiga ma e lē fesiligia lea tulaga.
Puna o Faamatalaga: https://edition.cnn.com/2026/01/29/americas/us-cuba-oil-blockade-threat-of-war-intl-latam
