Ua manino mai o le Peresetene o Cameroon o iai nei o Paul Biya ua toe siilima foi iai lona atunuu e avea ma ta’ita’i mo le faa-8 ai lea o taimi.
O Biya ua 92 tausaga o le soifua ma afai ae faaauau mo le isi paea’iga o lona uiga e mae’a ane ua lata i le 100 ona tausaga.
O le 1982 na mua’i tula’i ai Biya i le tofi ma faaauau mai ai lava se’ia oo mai i le tausaga nei.
O lē sa o la tauva i le palota o lenei tausaga o Issa Bakary o se tasi sa avea muamua ma sooupu o le malo ma sa minisita foi peita’i na aga’i ese ma le faigāmalo i le amataga o le tausaga nei ma amata ai lana finauga tetee i le faigāmalo ma lagolago ane iai isi patī.
Ua ta’ua e le CNN ua avea ai Biya o se faauluuluga aupito matua o se atunuu ina ua ia toe manumālōina foi le palota.
O Cameroon o se atunuu i le Atu Aferika.
Puna o Faamatalaga: https://edition.cnn.com/2025/10/27/africa/cameroons-biya-wins-re-election-intl
