A o tālia ai nei feutana’iga o loo faia i le va o le malo o Samoa ma le malo o Ausetalia i le faamatuuina mai o se fesoasoani tupe mai lea malo mo le atina’e o le taaloga lakapi i lo tatou atunuu faapea iuni lakapi a Fiti ma Tonga, ua faaalia manino e le ta’ita’i o le tatou malo i le Palemia e lē toe maua e lea taaloga se fesoasoani a le malo pe a lē suia le pulega o le lakapi Samoa.
Na toe faailoa lea finagalo o le ta’ita’i o le malo ina ua toe fesiligia i le fono masani ma le vasega o tusitala ma le aufaasalalau i le ogatotonu o lenei vaiaso.
Le ta’ita’i o le malo le afioga i le Palemia susuga Laaulialemalietoa Leuatea Polataivao Fosi.
