Ua toeitiiti 5 miliona accounts i luga o le social media ua aveesea i le vaiaso muamua na amata faamamalu ai le sā i Ausetalia e lē mafai ai ona toe faaaogāina e se tagata talavou e le’i atoa le 16 tausaga le matua ia auaunaga.
O le faamatalaga lea na faamaonia mai e le Minisita o Fesoota’iga a Ausetalia o Anika Wells.
O lea sā na amata faamamalu i le aso 10 o Tesema o le tausaga talu ai ma o le ulua’i ta’imi lea ua faia ai se sā faapea i le atunuu.
Fai mai le minisita, o le manatu o le to’atele o tagata, e lē mafai ona fai lea ituaiga sā peita’i o Ausetalia lea ua muamua i le lalolagi i lea faiga.
Na ia ta’ua foi o se tulaga lelei tele lenei aemaise foi i le fanau ia toe foi i le tulaga e pei ona masani ai mai tausaga ua tuana’i.
O loo to’atele pea i latou o loo tetee i lenei sā aemaise foi i pisinisi ma auaunaga tau social media, o nisi foi o le tupulaga o loo maumaua’i pea e lē umi le sā lea ma o loo iai lava avanoa o loo matala ane e mafai ai ona o latou faaaogā pea le social media.
Puna o Faamatalaga: https://www.9news.com.au/national/social-media-ban-australia-under-16-47-million-accounts-wiped-first-week/1727af56-a682-4869-a72c-eecaf34edeb5
