Ua amata nei ona toe tipoti ese e Ausetalia i latou mai fafo sa taofia, tipoti atu i Nauru ma faailoga ai le amataga o se maliega faigatā ma lea atumotu o le Pasefika.
I se pepa o faamatalaga na faamatuu mai i le vaiaso nei ua faailoa ai e le minisita o le Home Affairs a Ausetalia, Tony Burke o le ulua’i vaega o tagata ua tipoti ese ua mae’a faatino ae lē mailoa pe to’afia.
O le maliega pei ona lipotia e le BBC ua faia i le va o Ausetalia ma Vanuatu e pei ona tuuina ane iai le faai’uga a le faamasinoga a Ausetalia e lē mafai ona taofia ai pea tagata mo se taimi e lē mautū.
O loo upuia e kulupu e finau mo aiā tatau a tagata, fai mai a latou e lē talafeagai lenei ituaiga maliega aemaise e lē o iloa poo tagata o loo tipoti ese o loo tuua o latou aiga i Ausetalia ae pe o moomia foi se fesoasoani mo ni togafitiga ma poo le ā foi le tulaga o iai o latou visa.
O le tausaga na te’a nei na malie ai le Palemia o Albanese e faia suiga i le Migration Act lea e aofia ai le faamalosia o le malosi’aga o le malo e tipoti ese ai tagata e lē sitiseni atoa ai ma le totogi o atunuu, third countries e ave aga’i iai tagata ia e tipoti ese, lea la e aofia ai Nauru ma o vaega o le maliega e aofia ai le tuuina o le visa e 30 tausaga e galue ai le tagata i le motu ma fesoota’i sa’oloto ma tagatānuu o lea atumotu, fai mai o le peimeni muamua ua faia i lalo o lea maliega ua totogi ai e Ausetalia le $408 miliona ia Nauru mo le avatu o le kulupu muamua lea ua tipoti atu ma e itiiti ni vaega o le maliega ua faailoa ane i le ‘aufaasalalau.
Puna o Faamatalaga: https://www.google.com/amp/s/www.bbc.com/news/articles/cvgdp58vkkpo.amp
