Ua amata nei se su’esu’ega a leoleo Ausetalia i se faalavelave ua tau’ai ane ai ni pomu afi (firebomb) i se fale i le itu i Sisifo o Sini ae ua faailoa e leai se tasi sa iai i lea fale i le taimi na tupu ai le faalavelave.
O le vaega o fesoasoani faavavave na aga’i ane i le fale lea i Macquarie Street i Greenacre i le vaveao analeila ina ua tupu lea faalavelave ma sasao ane ai se afi.
Ua faia nei iai su’esu’ega a leoleo ina ua mae’a tapēina e le fuimū le afi ma o loo iai se vaega o le fale o loo faaleagaina ae leai ni lipoti o se tasi na aafia ai ma ua lipotia foi e lē o nofo ai se isi i le taimi nei.
O loo sa’ilia e leoleo meapu’eata ma ni molimau e ono silafia ni faamatalaga i lenei faalavelave.
E faapea foi isi faalavelave lipotia ane mai Condell Park i le faai’uga lava o le vaiaso na te’a nei o loo faia foi iai su’esu’ega.
Puna o Faamatalaga: https://www.9news.com.au/national/greenacre-police-investigate-after-firebomb-thrown-at-unoccupied-home-in-sydneys-southwest/36cf6b46-ad09-4099-b683-c4e3fc8cbbf2
