E 15 tausaga le matua o se tamaitiiti ua molia nei i le fasioti tagata ina ua lipotia le faaoolima i se tamaitiiti e 17 tausaga le matua, e lata ane i se a’oga i le faaitu o Rouse Hill i Sini.
O le faalavelave lea na tupu i le aso ananafi poo le te’a o le 4 na faavave atu ai le fesoasoani faavavave i le faaitu lea ma maua iai le tamaitiiti e 17 tausaga le matua, ma manu’aga i lona vae, na tui e se tagata se’i tulou.
E ui i taumafaiga a paramedics peita’i fai mai le 9News na maliu lava le tamaitiiti i lea nofoaga ona o ona manu’aga.
Faailoa e leoleo o le 15 tausaga ua molia na alu ane lava ia i leoleo i le aso ananafi ma ona mātua poo le ta o le fitu i le afiafi ma o loo fesoasoani nei i le su’esu’ega o loo faia ma taofia i le vaaiga a leoleo.
Ua faailoa foi o le asō e tula’i ai le 15 tausaga lea i le faamasinoga o tamaiti, fai mai leoleo o se tulaga faanoanoa tele lenei matāupu ma e leai se avanoa o ia ituaiga gaioiga i le komiuniti.
E lē o ta’ua i le lipoti le māfua’aga o le faalavelave a o tālia ai le faamasinoga i le aso.
Puna o Faamatalaga: https://www.9news.com.au/national/sydney-school-death-stabbing-rouse-hill/8fe2e9b7-77f0-40fe-be74-1508eddfec05
