Ua saunoa le Minisita o le Soifua Mālōlōina a Ausetalia e lē o tuumāmāina e i latou faamatalaga e faatatau i le vairusi o le nipah poo le nipah virus e pei ona agiga i lipoti.
Ua faia le saunoaga a le minisita o Mark Butler i le polokalame o le Today ma ta’ua ai o loo māta’itū ma le toto’a e le faigāmalo lenei matāupu ma ua faamalosia foi le itu tau le puipuiga aemaise lava i le aufaimalaga faavaomalo i nisi o malae vaalele i le Atu Asia.
O loo lipotia e le 9News e to’alua ni tagata faigaluega o le soifua mālōlōina mai Initia na aafia i le vairusi lea ia Tesema o le tausaga talu ai ae o le nipah virus sa mua’i faamauina i le tausaga 1999 i Meleisia ma ua ta’ua o lea vairusi e maua i le meaola o le pe’a ma e mafai ona pepesi i meaola ma tagata soifua.
E mafai foi ona aafia ai tagata ona o taumafa aemaise i fuālaau taumafa mata.
E lē o iai se tuipuipui mo lea vairusi i le taimi nei ae ua fautuaina le aufemalagaa’i ia faaeteete ma ia malupuipuia le tulaga tau le soifua mālōlōina.
Puna o Faamatalaga: https://www.9news.com.au/national/nipah-virus-precautions-in-australia/54fd92ca-1fcf-4bca-969c-a48db1a65e91
