Ua faailoa i lipoti a le 9News le maliu o se alii pailate ina ua fetoai vaalele laiti e lua i le itu i saute i sisifo o SIni.
Fai mai o ituaiga vaalele ia o Vans Aircraft RV-7 na fetoai lata i Napperfield Airfield e lata i Appin. O le tasi o ia vaalele na pā’ū agai i le togavao lata ane ma ua lipotia na maua e le vaega o fesoasoani faavavave le tino maliu o le alii pailate mai le Hills District.
Ua faailoa faamaisega ma alofaaga mo le aiga o si alii pailate ua aafia ma o se tasi e faaaloalogia tele i le komiuniti ma tele lana fesoasoani mo tupulaga i lea matata.
O leisi vaalele na aafia na toe tulaueleele saogalemu ma e lei aafia le pailate. o loo faia le suesuega a leoleo faatasi ma le Australian Transport Safety Bureau.
Puna o Faamatalaga: https://www.9news.com.au/national/plane-crash-pilot-killed-as-two-light-planes-collide-in-sydney/11ace484-9569-4531-b39b-d4989a19546b
