Ua faamanatu mai e le auaunaga e vaavaaia faiga taufaasesē ma taufaavalea i luga o upega tafa’ilagi, le Scamwatch a Ausetalia, e ao ona silafia e tagata ua faateteleina le autaufaavalea ma le taufaasesē i le atunuu aemaise lava foi i luga o upega tafa’ilagi.
Fai mai o taufaavalea i auaunaga tau faatauga, online marketing scams ma faatauga poo online shopping ua faateteleina ai faiga a i latou ia ma e to’atele ua aafia ai.
Fai mai le Scamwatch e iai mea e ao ona e silafia ma maitau e te ono faamautinoa ai pe o se faiga moni pe taufaasesē o le a e faatinoina.
O luga o le facebook aemaise le maketi ua atili to’atele ai tagata taufaasesē.
O isi faamanatu e aofia ai upu e tolu o le taofi, siaki ma puipui, poo le stop, check and protect i le faaperetania.
Faamanatu mai foi leoleo e lelei le vave o le logo o latou aemaise auaunaga e feagai ma matāupu faapea pe afai e aafia se tasi i ni faiga taufaasesē.
Ua faamauina o le tausaga nei e silia ma le 19 afe lipoti o faiga taufaasesē ua lipoti atu i le Scamwatch ma le aofa’iga e 8.6 miliona.
O le fautuaga mo tagata uma, toe siaki ma toe faamautinoa mea uma a o le’i totogiina se tupe.
Puna o Faamatalaga: https://www.abc.net.au/news/2025-12-30/how-to-protect-against-marketplace-scams/106118280
