Fai mai e ese foi le faavasegaina o le auaunaga a leoleo o le a iai i sauniga o le faamanatuina o le Tausaga Fou i le aai i Sini e amata atu i le aso a taeao.
Faailoa e le 9News ua savalia nei le 2 ma le ‘afa vaiaso talu ona tula’i mai le faalavelave i Bondi ma ua saunoa le Premier o Niu Sa Uelese, Chris Minns e fia faamautū i tagata o loo saogalemu le faamanatuina o le Tausaga Fou.
O le a ese lenei tausaga i le tulaga tau le puipuiga i sauniga faamanatu o le Tausaga Fou.
O le a matua’i to’atele malu o le malo o le a savalia magāala ma o se tasi foi lea o tulaga faigatā o le a feagai ma malu o le malo ma e silia i le 2 afe o le a tiute i le aso a taeao i le aai i Sini.
Fai mai le Premier o le a faamauina ai foi ma le ituaiga auaunaga fou lea o le a faatino e leoleo o le setete e amata atu taeao.
Puna o Faamatalaga: https://www.9news.com.au/national/sydney-new-years-eve-premier-chris-minns-promises-different-kind-of-policing/d90275eb-b0da-452a-b462-b7ace71771b3
