O nisi o kamupani tetele I le atunuu ua tuuina iai se faatagana e aumai ai ma faalauiloa rapid antigen tests mo le koviti 19 I nofoaga faigaluega.

E 25 pisinisi soofaatasi na agai I le malo I le vaiaso na tea nei ma talosagaina ai le tuuina mai o le faatagana e aumaia ai I le atunuu le ituaiga metotia lea e vave ai ona faatino siaki

Saunoa le minisita lagolago o le Soifua Maloloina o Ayesha Verrell ua maea ona tuuina e le faatonu aoao o le soifua maloloina le faatagana mo pisinisi ia e aumaua ai le 300 afe o rapid antigen tests I Niu Sila.

O se vaega o lea maliega pei ona faailoa ua malilie ane ai ma pisinisi o le a faaaoga faamaumauga faamauina mai i le faaaogaina o lea metotia ina ia fesoasoani ai I le faaaaogaina faalauaitele o le tulaga lea I isi nofoaga faigaluega.

E mafai ona maua le tali o le siaki I totonu o le 15 minute I le faiga lea ma o le a faaaoga faatasi ai ma isi ituaiga siaki e pei ona ua masani ai le atunuu.

O loo fuafua e taunuu mai ile atunuu amata mai le aso 21 o Oketopa ma tufatufaina loa I pisinisi o loo aofia I lalo o lenei maliega.