Fai mai o loo galulue nei le aufaigaluega a se faletupe i Rarotonga poo le Atu Kuki e toe faafoi nisi o ana transactions sa faia e aofia ai tagata e umia visa card mai lava i le masina o Novema tausaga talu ai, ona o se faaletonu ua afua ai le lē fiafia ma le faaseā o tagata ma ua avea o se popolega mo tulisi ma tagata tafafao maimoa atu i le atunuu ona ua ta’i faalua ona totogi nisi o auaunaga e māfua mai i lea faaletonu.
O le Bank of the South Pacific i lona lālā lea i le Atu Kuki e pei ona lipotia e le RNZ ua tula’i mai ai lea faaletonu ma na o latou faailoa i le faatalanoaga ma le RNZ na amata alia’e le faaletonu lea i le aso 14 o Novema 2025 ma ua molimau nisi o paaga a le faletupe e tele tupe ua alu ai i lea faaletonu ona ua ta’i faalua ona totogi le tele o transactions e faatino e faaaogā ai visa cards.
Ua faailoa la e le BSP i luga o upega tafa’ilagi o tulaga uma ia sa faaletonu ma le ta’i faalua ona faia o totogi ua toe reverse pe toe faafoi tupe i accounts a tagata na aafia ma o le a toe vaaia ia seleni i accounts i totonu o le 2-3 aso faapisinisi.
Puna o Faamatalaga: https://www.rnz.co.nz/international/pacific-news/585657/cook-islands-tourism-operators-blamed-for-double-charges-after-major-bank-error
