O le a faamamalu foi nisi ‘aiaiga malosi atu o le koviti 19 I totonu o Niu Sau Uelese ina ua faamauina foi I le aso seisi aofaiga tele o tagata ua aafia. E 644 cases fou ua faamauina I le aso I totonu o le 24 itula talu ai I totonu lava ia o Niu Sau Uelese.
A itiiti mai pe a ma le 71 tagata na iai pea I le komiuniti I le taimi ua aafia ai ma o loo suesueina pea isi cases e 506.
E toafa isi tagata ua maliliu I totonu o le 24 itula talu ai , toalua tina matutua pe a ma le tai 80 tausaga , se tama matua pe 80 foi tausaga ma leisi pe a ma le 70 tausaga le matua.
Ua faailoa ai loa e le premier, Berejiklian le toe faaauau pea o le tapu seia maea le masina o Setema, amata atu I le aso Gafua o muamua o le a faamalosia le faia o talifofoga I fafo o maota ma laoa ma soo se vaega sei vagana pe a faia faamalositino.
O isi pitonuu e pei o Shellharbour ma Central Coast e le aafia ai I le tapu lea mae o loo fuafua e faama’ea pea le latou tapu I le aso 28 ole masina nei faatasi ai ma isi vaega o le setete.
O nofoaga o loo faaautu iai isi ‘aiaiga fou e pei ona faailoa mai I le aso e aofia ai pulega faaitumalo o Bayside, Blacktown, Burwood, Campbelltown, Canterbury, Bankstown, Cumberland, Fairfield, Georges River, Liverpool, Paramatta, Strathfield ma isi pitonuu o Penrith.
