O le sisi a’e o le tagavai o Samoa i le taeao nei ua agai faatasi mai ai Malu o le Malo o Samoa faapea le auvaa o le HMAS Choules a Ausetalia o se tasi o vaa o le fuavaa o le malo o Ausetalia ma o loo taula i le uafu i Matautu.
O loo fuafua e faatino a latou polokalame fesoasoani mo Samoa e lagolago atu i fesoasoani a lea malo o loo faamatuu mai mo le atunuu.
E aofia ai i ia polokalame le faia o se koneseti ma le faili jazz a lea aumalaga i le Frendship Park i tuāmaota o le Fiame Mataafa Faumuina Mulinuu II Building, ma o loo tatala mo le atunuu.
Ua faailoa foi i le faatalanoaga a le Samoa Observer ma le ofisa o le Komesina Maualuga o Ausetalia le faia ai o le koleniga a le au siisii uamea mamafa a lo tatou atunuu ua faamoemoe mo le Olimipeka i luga o lea vaa atoa ai ma se taumafataga o le aoauli.
O lea vaa o loo agai mai sana malaga asiasi i le Pasefika mo le masina.
