O le kolisi o matata eseese a le Malo o Ausetalia ua iai nei i le nofoaga o le iunivesite Aoao a Samoa, ua ofoina ai se tasi o aoaoga e faasino i tomai e tuuina atu ai faamatalaga faafaufautua mo tagata e aafia i le faia o sauaga faalotoifale ma i latou e le mafai ona pulea le loto ma le amio pe a oo ina ita pe toatamai.
E toa sefululima sui o nuu ma afioaga o le atunuu ua mae’a se latou aoaoga na faapitoa i le tuuina atu o fautuaga ma timaiga e fofo ai vaivaiga faaletagata, ua sauni e tauaao o latou tusipasi ma faailoga tipiloma mai lea kolisi, ma agai loa e faaaoga o latou tomai i totonu o o latou nuu.
O i latou ia o sui o le faalapotopotoga o le Toomaga mo ē Puapuagatia, o se faalapotopotoga o loo lagolago i taumafaiga e taofia ai sauaga i totonu o aiga.
O le masina fou le faauuga a le kolisi o matata eseese a Ausetalia o le a faauu ai ma sui o nuu, o nisi mai le itupa o tina faapea ma tamaitai ma tama tane mai le vaega talavou ma tama.
