O se vaatau a Amerika ua taula nei i le laumua o Trinidad and Tobago a o faaauau ai pea ona una’ia e le faigāmalo a Trump gaioiga a le militeli faasaga ia Venezuela ma lona Peresetene o Nicolas Maduro.
O le taunuu atu o le vaa lea o le USS Gravely ua faaopoopo atu ai i le isi vaa o le USS Gerald Ford lea ua lalata ane lava i Venezuela.
Ua upuia ai e Maduro lea gaioiga a Amerika, fai mai a ia o se taumafaiga lea a le faigāmalo a Amerika e faia se taua faaumiumi ma lona atunuu.
O loo tuua’ia lava e Trump Maduro e faapea o ia tonu lea o loo ta’ita’ia le kegi faatupu faalavelave o le Tren De Aragua.
O loo lagolagoina e le Peresetene o Trinidad and Tobago le gaioiga lea a Amerika ma lona tetee atu i vaa o fualaau faasāina i gataifale o Venezuela.
Puna o Faamatalaga: https://edition.cnn.com/2025/10/26/world/us-warship-docks-trinidad-venezeula-latam-intl
