O le a faatino e vaegā’au a Amerika ni faata’ita’iga tau osofa’iga i le ea i Sasa’e Tutotonu a o sauni ai mo le Afropop atu o ana vaegā’au tau militeri i lea faaitu ona o se matāupu e aofia ai le atunuu o Iran.
O ia faata’ita’iga e pei ona gaioi i soo se tulaga e ono aafia ai.
Ua faia uma ia gaioiga i le mae’a o le saunoaga a Trump faasaga ia Iran ua faamata’u ane ai le ono faatino iai o ni gaioiga faamiliteli aemaise i le faigāmalo.
Fai mai Trump se’i vaganā ua aga’i ane Iran i le laulau mo faatalanoaga, o le isi osofa’iga e sosoo ai o le a matuiā atu nai lo le tausaga na te’a nei lea na faaleagaina ai le nofoaga faaniukilia a lea atunuu.
I le tali ane la a le Irainian Mission to the United Nations, ua o latou ta’ua ai ua sauni Iran e aga’i ane i faatalanoaga e faavae i luga o le faaaloalo ae o le a ia puipui foi i lo latou atunuu ma o le a tali ane foi i se tali e le’i vaaia muamua pe afai e una’ia i latou.
O loo faatalia le isi gaioiga o le a oo iai lenei matāupu ae o loo popole le to’atele ina nei toe i’u foi i se taua e lē o toe mana’omia aemaise lava i lea faaitu o le lalolagi.
Puna o Faamatalaga: https://edition.cnn.com/2026/01/27/middleeast/us-centcom-military-iran-middle-east-intl-hnk
