A itiiti mai pe to’a 64 le ‘aumaliliu i se osofa’iga tele a leoleo na faia faasaga ia i latou e aofia i organised crimes, poo soligatulafono fuafuaina lelei i totonu o Rio de Janeiro i le aso ananafi.
Fai mai lipoti a le CNN e aofia ai i le ‘aumaliliu lea e 64, leoleo e to’a 4 a Brazil.
O ata ua faailoa i lipoti a le CNN ua vaaia ai le tele o vaega o loo sasao ane ai le afi i le faaitu tonu na faia ai le osofa’iga atoa ma le faalogoina o le leo o taugafana.
Fai mai na faatino le osofa’iga a leoleo faasaga tonu i le faatupula’ia o le kulupu ua faaigoa o le Comando Vermelho ma ua ta’ua e le malo ua leva ona fuafua lea gaioiga ma e aofia ai le silia ma le 2500 o le militeli ma leoleo.
A itiiti mai pe to’a 81 na pu’eina e leoleo i osofa’iga ia ma ua faailoa o loo malosi le finau a le malo i le tetee atu i soligatulafono e tutupu mai i le atunuu.
Puna o Faamatalaga: https://edition.cnn.com/2025/10/28/americas/brazil-police-raid-rio-de-janeiro-latam-intl
