O le Aso Lua o lenei vaiaso i lo tatou atunuu ua amata su’esu’e ai molimau o le tagi tau palota mai le itumalo o Faasaleleaga 2 lea o loo molia ai e le sui sa seei i le tofi o le itumalo i le paea’iga talu ai a le Palemene, le afioga Magele Sekati Fiaui, le sui na manumālō i le palota tele ma ua tauaveina nei le nofoa o lea itumalo le tofa Vaaelua Senetenari Samau.
O moliaga o faatosina solitulafono ma faiga faaālatua o loo tuua’ia ai le faipule o le itumalo, peita’i o loo iai foi moliaga faapea o loo molia ai e lē o loo faasaga iai lea tagi o le palota le sui na faauluina muamua le tagi.
O le Aso Lua foi lenei o le a amata ai ona su’esu’e molimau o tagi tau palota mai itumalo o Falealili 1 ma Falealili 2 e pei ona sa faamautū i le fofogaina o ia tagi e lua i le vaiaso ua mavae.
