Ua mae’a le sauniga o le suaina o le eleele e aloa’ia ai le amatalia o le galuega o le ofisa tutotonu fou o le Matāgaluega o Faato’aga ma Faigāfaiva i lo tatou motu o Savaii lea ua fausia i le taulaga i Salelologa.
O se galuega ua faaalia e le minisita o lea matāgaluega le afioga Niuava Eti Malolo a oo ina mae’a o le a maua ai e le aufaifaato’aga i Salafai faamatalaga uma, i galuega e fesoasoani ma lagolago ai le malo ia latou taumafaiga e lē gata o faato’aga, o lafumanu ae o faigāfaiva.
Le Minisita o le Matāgaluega o Faato’aga ma Faigāfaiva le afioga Niuava Eti Malolo.
O le Faletupe o le Lalolagi ma le faalapotopotoga tau tupe faavaomalo mo atinae tau faato’aga le IFAD o loo lagolago i le fausia o le nofoaga tutotomnu fou o lea matāgaluega a le malo i Salafai.
