O le a sami le faailogaina o le Tuto’atasi o le tatou atunuu i le masina o Iuni o le tausaga nei i le tatalaina aloa’ia o le ofisa fou a le failautusi o le fono aoao faitulafono i Mulinuu.
Ua faailoa lea fuafuaga e le ta’ita’i o le malo le afioga i le Palemia i le asiasia ai e le minisita o le va i fafo o Ausetalia o le galuega, ma molimauina ai le mae’a tutu’i o le ulua’i apa atofale o lea galuega tele.
O se galuega na amata fuafua mai i le tausaga e 2011 e pei ona faailoa e le Palemia, ma o lea ua taunuu lona fausiaina o se isi pine faamau o le malosi o le fesoasoani a lea malo ia Samoa.
E 27 miliona le tau o lea galuega.
Le afioga i le Palemia susuga Laaulialemalietoa Leuatea Polataivao Fosi.
O loo alu le galuega o le ofisa o le fono ma faatino atu ai ma le maota e mapu iai sui faipule mo mālōlōga pe a tauaofia fonotaga a le Palemene.
