Ua uma ona tauaao e le aoga tulagalua a Samatau le foai o kesi ma nofoa mai le Samatau Next Generation poo le faalapotopotoga o alo ma fanau a le afioaga i Niu Sila ma isi atunuu, ae o lea ua polili mai i le isi foi foai o masini komepiuta laiti poo laptops, o ni masini aogā tele mo le aoaoina o fanau lalovaoa a le nuu.
O le faafetai lea a le taitaifono o le komiti a le aoga tulagalua a Samatau auā o ni masini taugata, ae ua faamāmā avega lea faalapotopotoga agalelei i le ausage ae o le lima vaivai o le komiti.
Le taitaifono o le komiti o le aoga tulagalua a Samatau le tofa Mutimuti Sali.
E 10 afe le tau o masini komepiuta laptops ua foai mo le aoga tulagalua a lea afioaga.
