E ono faasala pe faafalepuipui tagata Ausetalia o loo mafaufau e faaaoga le saolotoga ua iai nei ma Niu Sila, e ui mai ai ma avea ma faitotoa e agai atu ai I isi atunuu
O lea ua maea toe suia lea tulafono, ma ua faailoa e le minisita o le soifua maloloina a Ausetalia Greg Hunt, o le Aso Gafua lava lea na tatala ai le saolotoga o le aso lava foi lea na toe teuteu ai le tulafono, ma o ai lava e solia e oo atu I le $68,000 le faasalaga tupe pe ono oo foi I le falepuipui foi mo le 5 tausaga
O Ausetalia na tapunia ia Mati o le tausaga talu ai ona tuaoi ma le mafai ai ona tuua Ausetalia seia vagana ua iai se exemption poo se faatagana faapitoa, peitai o le leai o se tuutuuga faapea a Niu Sila e ono avea ma ava o le saolotoga ma mauavanoa ai pasese e o atu I isi atunuu
O se teuteuga o loo iai lava aiaiga e faataga ai faigamalaga mo mafuaaga e pei o siaki a le fomai faapea aiga vavalalata o loo ma’I tigaina
