Na vave ona maua ma pue e leoleo le na sola ese ma le nofoaga faanofoesea ananafi
O le na sola ese o se na auina atu I le Jet Park I Aukilani I le Aso Toonai e faanofoesea ai ina ua maea faamaonia ua maua I le Koviti
Peitai I ripoti mai le pulega o nofoaga faanofoesea o le 3:10 I le aoauli ananafi lea na sola ese ai ma na toe maua e leoleo I le 30 minute mulimuli ane I fafo ane o le fale I Magele
Tuufaatasia tala fou o loo i lalo o vaavaaiga a leoleo ma o loo fuafua e tu I luma o le faamasinoga I le aso
E le o mautinoa mai I le taimi nei pe na faafefea ona sola ese ma le faletalimalo ae pe faafefea foi na vave oo I Magele
